Brüssel ABŞ Prezidenti Donald Trampa xəbərdarlıq edib ki, o, AB mallarına rüsum tətbiq edərsə, blok cavab tədbirləri görəcək.

Axar.az xəbər verir ki, bu barədə “Politiko” nəşri yazıb.

AB-nin icraedici orqanı olan Avropa Komissiyası Trampın Kanada, Meksika və Çinə tariflər tətbiq etmək qərarından təəssüfləndiyini bildirib. ABŞ prezidenti isə AB-yə qarşı oxşar tədbirlər görəcəyini vəd edib.

“Dünyada ən böyük ticarət əlaqələrimiz ABŞ-ladır. Risk altında olan çox şey var - tariflər lüzumsuz iqtisadi şoklar yaradır və inflyasiyanı stimullaşdırır. Onlar bütün tərəflər üçün zərərlidir”, - Avropa Komissiyasının sözçüsü deyib.

O, həmçinin qeyd edib ki, AB öz mallarına ədalətsiz və özbaşına tariflər tətbiq edən istənilən ticarət tərəfdaşına sərt cavab verəcək.

Fransanın sənaye naziri Mark Ferraççi isə bildirib ki, Donald Trampla ticarət danışıqları “güc dinamikası şəklində” olmalıdır.