Özbəkistanın ədliyyə naziri Əkbər Taşkulov və İsveçrənin səfiri Konstantin Obolenski müsadirə olunmuş aktivlərin verilməsi haqqında saziş imzalayıb.

Axar.az xəbər verir ki, bu barədə Özbəkistan mətbuatı məlumat yayıb.

Sazişə əsasən, təqribən 182 milyon dollar Özbəkistana qaytarılacaq.

Qeyd olunur ki, 2022-ci ildə Berndə ölkələr arasında Özbəkistan əhalisinin maraqları naminə müsadirə edilmiş aktivlərin qaytarılması haqqında saziş imzalanıb:

“Müqavilə Özbəkistana 131 milyon dolların qaytarılmasını nəzərdə tuturdu. Yeni sənədin imzalanması ilə geri qaytarılan vəsaitin ümumi məbləği 313 milyon dollar təşkil edəcək”.

Qeyd edək ki, sözügedən vəsait 2012-ci ildə ölkənin birinci prezidentinin qızı Gülnarə Kərimovaya qarşı açılan cinayət işi çərçivəsində müsadirə edilib.