Əgər xalq səs verə bilmirsə və iradələri prezident, Senat və Nümayəndələr Palatası kimi seçilmiş təmsilçilər tərəfindən müəyyənləşirsə, bu o deməkdir ki, demokratiyada deyil, bürokratiyada yaşayırıq.

Axar.az xəbər verir ki, bunu ABŞ Hökumətinin Səmərəliliyi Departamentinin rəhbəri, milyarder İlon Mask deyib.

Bürokratiyanın ictimaiyyət qarşısında hesabat verməsi lazım olduğunu bildirən Mask büdcə kəsirinin də aradan qaldırılmasının önəmini vurğulayıb:

“Təkcə milli borcun faiz ödənişləri Pentaqonun büdcəsini aşıb. Müdafiə üçün çox pul xərcləyirik. Amma belə davam edərsə, ölkəni müflis edəcəyik. ABŞ büdcəsinə nəzarət mexanizmi yaradılmalıdır. Əgər vergi ödəyicilərinin pulları ağıllı şəkildə xərclənmirsə, bu, düzgün deyil. Vergi insanlar üçün əhəmiyyətli olan şeylərə ağıllı şəkildə xərclənməlidir. Bu, sadəcə olaraq sağlam düşüncədir, qəddar və ya radikal deyil”.