Həftə Ukraynaya sülh gətirmək üçün əsas ola bilər. ABŞ və Rusiya öz aralarında danışıqlara başlayır, Avropa liderləri isə onlarsız hər şeyin razılaşdırılacağından ehtiyat edərək təcili toplantı keçirir.

Axar.az xəbər verir ki, bu barədə "Faynənşl Tayms" məlumat yayıb.

"Bazar ertəsi Avropanın ən güclü liderləri Donald Trampın Vladimir Putinlə tez razılığa gəlməyə çalışdığı bir vaxtda hərəkətlərini əlaqələndirmək üçün Parisdə bir araya gələcək. Trampın baş diplomatı Marko Rubio bu həftə Səudiyyə Ərəbistanında Rusiya xarici işlər naziri Sergey Lavrovla görüşəcək. Rubio-Lavrov danışıqları yaxın həftələrdə Trampın Vladimir Putinlə görüşünə zəmin yaratmalıdır. Bu təmaslar avropalıların son nəticədə Avropanın təhlükəsizlik arxitekturasını dəyişə biləcək danışıqlar prosesində iştirak etməməsini vurğulayır", - məlumatda deyilir.

Qeyd olunur ki, Parisdə keçiriləcək fövqəladə toplantıda Avropa liderləri Ukraynada müharibəyə son qoyulmasında onların iştirakı ilə bağlı ideyaları müzakirə edəcək.

Xatırladaq ki, Fransa lideri Makron Avropa liderlərini 17 fevrala Parisə təcili toplantıya dəvət edib.