Misirin hazırladığı plana əsasən Qəzza bölgəsinin yenidənqurulması və bərpası 38 milyard dollara başa gələcək.

Axar.az xəbər verir ki, bu barədə Ərəb Liqası üzv-dövlətlərinin müzakirəyə çıxaracağı sənədin layihəsində deyilir.

Məlumata görə, Fələstinin Qəzza zolağının bərpası planında 38 milyard dolların ayrılması nəzərdə tutulur, bu vəsaitin böyük hissəsi evlərin yenidlənqurulmasına sərf olunacaq.

Sənəd layihəsinə əsasən, bərpa prosesi iki mərhələli şəkildə aparılacaq. Birinci mərhələ iki il, ikinci mərhələ isə iki il yarım müddətinə davam edəcək. Planda həmçinin, yenidənqurma və bərpa işləri zamanı sakinlərin bir neçə şəhərdə müvəqqəti yaşayış evləri ilə təmin olunması nəzərdə tutulub.