Almaniyanın “Rheinmetall” müdafiə konserninin baş direktoru Armin Papperger indi bəlkə də Avropanın ən vacib adamıdır, çünki onun fabrikləri Avropa və Ukrayna cəbhəsi üçün silah istehsal edir.

Axar.az xəbər verir ki, bu barədə Britaniyanın “Telegraf” nəşri yazıb.

Nəşrin məlumatına görə, Rusiya Prezidenti Vladimir Putin onun ölməsini istəyir:

Qeyd olunub ki, ötən il Putin Rusiyanın yüksək səviyyəli komandirləri ilə görüşündə Pappergerin bacarıqlarını qiymətləndirərək, onu dörd dəfə pisləyib. Və Rusiya hərbi kəşfiyyatı onun öldürülməsini planlaşdırıb:

“Papperger sui-qəsd planının üstünü açan və alman həmkarlarına xəbərdarlıq edən Amerika kəşfiyyatının bacarığı sayəsində sağ qalıb. Bu, ciddi təhlükə idi. Bu, alman torpaqlarında Rusiyanın fəaliyyətinin bir hissəsi idi”.

Nəşrin mənbələrə istinadla məlumatına görə, Papperger daim rusların hədəfində olub:

“Ona istefaya getməsi və ya şirkətinin dəstəyini geri çəkməsi üçün təzyiq göstərir, həyatını acınacaqlı etməyə çalışırlar”.