Bu gün Armavir vilayətində odlu silahdan istifadə etməklə qətl hadisəsi baş verib.

Axar.az xəbər verir ki, bu barədə erməni mediası məlumat yayıb.

Saat 01:30 radələrində Armavir vilayəti polisinə Vaqarşapat şəhərində, yanacaqdoldurma məntəqəsində atışma baş verdiyi, bir nəfərin isə son dərəcə ağır vəziyyətdə Vaqarşapat tibb mərkəzinə yerləşdirildiyi barədə əməliyyat məlumatı daxil olub.

Yaralı, 36 yaşlı Armavir vilayətinin sakini Artur Paronyan xəstəxanada ölüb. Onun bel nahiyəsindən güllə yarası aldığı bildirilib.

Hadisə yerinə toplaşan vətəndaşlar yanacaqdoldurma məntəqəsinin Eçmiədzin meri Diana Qasparyanın ərinə məxsus olduğunu bildiriblər.

Hüquq-mühafizə orqanları şübhəlinin şəxsiyyətini müəyyənləşdirib. Bildirilib ki, o, Armavir vilayətində ÇAP ləqəbi ilə tanınan 33 yaşlı Karen Badalyandır.

Cinayət törətməkdə şübhəli bilinən şəxsin və silahın tapılması istiqamətində iş aparılır.