NATO-nun mənzil-qərargahında daimi nümayəndələr səviyyəsində Ukrayna-NATO Şurasının hərbi formatda iclası keçirilib.

Axar.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, tədbirə alyansın Hərbi Komitəsinin rəhbəri admiral Cüzeppe Kavo Draqone rəhbərlik edib. Görüş zamanı Ukraynanın NATO-dakı missiyasının hərbi nümayəndəsi general-mayor Sergey Salkutsan tərəfdaşları Ukraynada mövcud təhlükəsizlik vəziyyəti və hərbi əməliyyatların gedişi barədə məlumatlandırıb. Eyni zamanda, briqada generalı Gennadi Şapovalov NATO-nun Ukraynaya Xüsusi Dəstək və Təlim Missiyasının fəaliyyəti haqqında təqdimatla çıxış edib. Bu missiyanın əsas məqsədi Ukrayna qüvvələrinin orta və uzunmüddətli ehtiyaclarını ödəmək üçün tərəfdaşların beynəlxalq səylərini sistemləşdirməkdir.