Rusiya və İran xarici işlər nazirlərinin müavinləri Sergey Ryabkov və Məcid Təxt-Rəvançi arasında bu gün görüş keçirilib.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, görüşdə İranın nüvə proqramı ətrafında vəziyyət və MAQATE-nin nüfuzundan istifadə edən Qərb ölkələrinin “manipulyasiyası” müzakirə edilib.

Bu kontekstdə İran əleyhdarlarının hərbi güc tətbiqinin qeyri-qanuniliyi və yolverilməzliyi, xaricdən İranın nüvə enerji infrastrukturunun bombalanması ilə bağlı təhdidlərin qəbuledilməzliyi, bunun qaçılmaz olaraq bütün Yaxın Şərq regionu üçün genişmiqyaslı və geridönməz radioloji və humanitar nəticələrə gətirib çıxaracağı vurğulanıb.