ABŞ Prezidenti Donald Tramp digər ölkələrlə qarşılıqlı yeni tariflərin tətbiq olunduğunu elan edib.

Axar.az xəbər verir ki, bu barədə “Blumberq” nəşri məlumat yayıb.

"Bir neçə dəqiqə sonra bütün dünya ölkələri üçün tarixi qarşılıqlı tariflər sərəncamını imzalayacağam. Qarşılıqlı. Bu o deməkdir ki, onlar bunu bizimlə edirlər, biz də bunu onlarla edirik. Çox sadə. Daha asan ola bilməz", - deyə Tramp bildirib.

Qeyd olunur ki, ABŞ Çindən idxala 34%, AB-dən isə 20% həcmində gömrük rüsumu tətbiq edəcək.

Bundan əlavə, eyni tədbirlər Vyetnam (46%), Hindistan (26%), İndoneziya (32%), Kamboca (49%), Malayziya (24%), Koreya Respublikası (25%), Tailand (36%), Tayvan (32%), İsveçrə (31%), Yaponiya (24%) və digər ölkələrə də təsir göstərəcək.