1915-ci il hadisələri həqiqət deyil və müharibə şəraitində baş verə biləcək sıravi hadisələrdən biridir.

Axar.az xəbər verir ki, bu sözləri Şimali Kipr Türk Respublikasına səfəri öncəsi hava limanında jurnalistlərə Türkiyə Baş naziri Binəli Yıldırım deyib.

O, iyunun 2-də qondarma erməni soyqırımına dair qanun layihəsini səsverməyə çıxaracaq Almaniya parlamentinə çağırış edib:

"Bu, çox axmaq situasiyadır. 1915-ci il hadisələri həqiqət deyil və müharibə şəraitində baş verə biləcək sıravi hadisələrdən biridir. Türkiyə həmişə bu məsələnin araşdırılmasının tərəfdarıdır. Bu, tarixçilərin öhdəsinə düşür və məsələnin siyasiləşdirilməsi səhv olar. Əgər layihə qəbul olunarsa, Almaniya ilə əlaqələrimiz korlanacaq. Biz rəsmi Berlinlə münasibətlərimizi qorumaq istəyirik. Almaniyada 3,5 milyon türk yaşayır. Alman parlamenti 3,5 milyon seçicini görməzlikdən gələ bilməz. Qanun layihəsi qəbul edilsə belə heç nə dəyişməyəcək".