Putinin "Pasxa atəşkəsi" qəfil, qısa və birtərəfli oldu. Bu, Rusiyanın sülh məsələsinə yanaşmasında nümayiş etdirdiyi “vəhşi sinizmi” aydın şəkildə göstərdi.

Axar.az xəbər verir ki, bu barədə CNN-də yayımlanan süjetdə bildirilib.

Vurğulanıb ki, Kremlin bəyanatı Vaşinqtonun yaxın günlərdə Moskvanın sülhə ciddi yanaşıb-yanışmadığını təsdiqləmək istədiyini bildirdiyi vaxtda elan edilib:

“Lakin bu qəfil bəyanat hələ yayımlanmamışdan öncə belə o qədər praktiki çatışmazlıqlarla doludur ki, çox güman, Putin tərəfindən sadəcə olaraq Kiyevin müharibəni dayandırmaq istəmədiyi barədə yalan təsəvvürünü saxlamaq üçün istifadə olunacaq. Ukrayna qüvvələri üçün isə belə qəfil və dərhal qüvvəyə minən atəşkəs logistik kabusa çevriləcək”.

Nəşrin iddiasına görə, daha böyük çətinlik dezinformasiya ilə bağlı olacaq:

“Bu, qoşunlarda atəşkəsin pozulub-pozulmadığını anlamaq, pozuntuların qeydə alınması və onlara necə reaksiya verilməsi ilə bağlı çaşqınlıq yaradacaq. Eyni zamanda, qəfil elan olunmuş atəşkəsin bitdiyi anda nə ediləcəyi ilə bağlı da qeyri-müəyyənlik yarana bilər”.

Qeyd edək ki, Rusiya Pasxa bayramı ilə əlaqədar Ukraynada bütün hərbi əməliyyatları ötən gün saat 18:00-dan 21 aprel saat 00:00-a qədər dayandırdığını elan edib. Ukrayna Prezidenti Zelenski də atəşin dayandırılması ilə bağlı göstəriş verib.