SEPAH Amerikanın analoji modellərindən daha yaxşı bir gəmi düzəldib.

Axar.az xəbər verir ki, bunu SEPAH-ın Hərbi Dəniz Qüvvələri komandanı kontr-admiral Əlirza Təngsiri deyib.

O qeyd edib ki, SEPAH Hərbi Dəniz Qüvvələri müxtəlif növ raketlər, PUA-lar və sualtı qayıqlar istehsal edir.

"İRİS Şahid Bagiri" pilotsuz təyyarədaşıyan gəmisinin tikintisi barədə danışan admiral vurğulayıb ki, sözügedən texnika çoxməqsədli gəmi və dəniz bazasıdır:

"Bu gəmi iki qrup raket buraxılış qurğusunu daşıya bilər ki, bu da 14 raket buraxıcısı deməkdir. Biz Amerikanın analoji modellərindən daha yaxşı bir gəmi düzəltmişik və lazım gələrsə, təqdim edə bilərik".

O, Fars körfəzi sularında İran və ABŞ arasında qarşıdurma ilə bağlı sualı da cavablandırıb:

"Bu gün ABŞ neft tankerlərimizə hücum edə bilməz və hücum edərsə, buna müqavimət göstərəcəyik. Amerikalılar Fars körfəzində bizimlə qarşılaşa bilməz".