İsrail ordusunun Baş Qərargah rəisi general-leytenant Eyal Zamir Şimal komandanlığının müşayiəti ilə Suriyaya səfər edib və təhlükəsizlik qiymətləndirməsi həyata keçirib.

Axar.az xəbər verir ki, bu barədə "Yerusəlim Post" məlumat yayıb.

Səfər çərçivəsində o, orda fəaliyyət göstərən komandirlər və əsgərlərlə görüşüb, davam edən müdafiə və hücum əməliyyatlarının planlarını təsdiqləyib.

"Bu, həyati bir yerdir. Bura Suriyanın dağıldığı üçün gəlmişik, buna görə də əsas yerləri saxlayırıq və özümüzü ən yaxşı şəkildə qorumaq üçün ön cəbhədəyik. Burdan bu silsilədə olan hər kəsi görə bilərik, bu, strateji bir nöqtədir. Burada hadisələrin necə inkişaf edəcəyini bilmirik, amma buradakı dayağımız təhlükəsizlik üçün çox vacibdir. İsrail əsgərləri təhlükəsizlik zonasında fəaliyyətini davam etdirəcək və sakinləri istənilən təhlükədən qoruyacaq", - Zamir qeyd edib.