Şərqi Aralıq dənizindən İran sərhədinə qədər uzanan bu strateji xətt üzərində İsrailin qurmağa çalışdığı “Davud dəhlizi” təkcə təhlükəsizlik konsepsiyası deyil, enerji, kəşfiyyat və hərbi tarazlıq baxımından da çoxölçülü bir layihə kimi önə çıxır. Bu xəttin mərkəzində terrorçu PYD/SDQ strukturu mühüm rol oynayır.

Axar.az xəbər verir ki, bunu türkiyəli yazar Mərd İnan “Haber Qlobal”dakı məqaləsində bildirib.

O qeyd edib ki, “Davud dəhlizi” həm də İran və Türkiyə kimi regional gücləri cilovlamağı hədəfləyən bir təhlükəsizlik anlayışıdır:

“Dəhliz İsrailin şimal sərhədlərini qorumaq, eyni zamanda İranın Suriya və Livandakı təsirini kəsmək və Türkiyənin cənubunda bufer zona yaratmaq məqsədi daşıyır. Bu plan çərçivəsində İsrailin Suriya daxilində hava hücumları son 3 ildə 70 faiz artıb. Bu hücumlar İrana bağlı silahlılarla mübarizənin bir hissəsi kimi görülsə də, eyni zamanda “təmizləmə əməliyyatları” vasitəsilə “Davud dəhlizi”nin marşrutunun hazırlanması kimi də şərh edilir”.