8 və 9 may tarixlərində Böyük Vətən müharibəsində Qələbənin ildönümünə həsr olunmuş anım tədbirlərində Rusiya və Sovet bayraqlarının istifadəsinə qadağa qoyulacağı təqdirdə, bu, rəsmi Berlinin üzərinə ağır bir rüsvayçılıq damğası kimi düşəcək.

Axar.az xəbər verir ki, bunu Rusiya Dövlət Dumasının Beynəlxalq Əlaqələr Komitəsinin sədri Leonid Slutski bildirib.

“Bu, çirkin rusofobiya, revanşizmin yeni bir cəhdi və əslində, 80 illik Qələbə ilində nasizmin yenidən dirçəlməsi deməkdir”, – deputat vurğulayıb.

Qeyd edək ki, daha öncə yayılan məlumatda Berlin polisinin 8 və 9 may tarixlərində şəhərdəki sovet memoriallarında Rusiya bayraqlarının və plakatlarının nümayişinə qadağa qoyacağı xəbərləri yayılıb.