Hindistanın Baş naziri Narendra Modi ölkənin güc strukturlarının rəhbərləri ilə görüş keçirib.

Axar.az xəbər verir ki, bu barədə yerli media məlumat yayıb.

“Modi müdafiə naziri Rajnat Sinqx, milli təhlükəsizlik üzrə müşavir Acit Kumar Doval, müdafiə qərargahının rəisi Anil Çauhan, silahlı qüvvələrin üç əsas növünün rəisləri ilə bir araya gəlib. İclas aprelin 22-də Cammu və Kəşmirin Pahalqam bölgəsində turistlərə qarşı törədilən terror aktı ilə əlaqədar çağırılıb”, - məlumatda deyilir.

Modi qeyd edib ki, silahlı qüvvələr komandanlığı Hindistanın təhlükəsizliyinə təhdidlərə necə cavab verəcəyi ilə bağlı vasitələri, məqsədləri və vaxtı müəyyən etmək baxımından tam sərbəstliyə malikdir.

Qeyd edək ki, Cammu və Kəşmir bölgəsində turistlərə atəş açılmasından sonra Pakistan və Hindistan arasında gərginlik yaşanmaqdadır.