Ankara Hindistanın Pakistanla münaqişəni genişləndirməkdən çəkinməsini vacib hesab edir və İslamabadın narahatlığını haqlı sayır.

Axar.az xəbər verir ki, bu barədə “Anadolu” agentliyi Türkiyə Müdafiə Nazirliyindəki mənbəyə istinadən məlumat yayıb.

“Ankara Cənubi Asiyada sabitliyi təhdid edən və regional təhlükəsizliyə ciddi zərbə vuran Hindistan və Pakistan arasında eskalasiyanı böyük narahatlıqla izləyir. Hindistan məsuliyyətli davranmalı, gərginliyi artıran addımlardan qaçmalı və beynəlxalq hüquq, eləcə də diplomatiya çərçivəsində hərəkət etməlidir. Türkiyə qardaş ölkə Pakistanın təhlükəsizliyi ilə bağlı haqlı narahatlıqlarını anlayır. Tərəflər sülh yolu ilə nizamlanmaya çalışmalıdır və beynəlxalq ictimaiyyətin bu prosesdə konstruktiv rol oynamasını gözləyirik”, - mənbə bildirib.