Suriya xarici işlər naziri Əsəd Şeybani mayın 17-də Bağdadda keçiriləcək Ərəb Dövlətləri Liqasının sammitində ölkəsini təmsil edəcək.

Axar.az xəbər verir ki, bu barədə “Əl-İxbariya” telekanalı Suriya Prezident Administrasiyasına istinadən məlumat yayıb.

"Ərəb Respublikasının müvəqqəti prezidenti Əhməd əş-Şara Bağdadda keçirilməsi planlaşdırılan sammitdə iştirak etməyəcək. Suriya nümayəndə heyətinə xarici işlər naziri Əsəd Şeybani rəhbərlik edəcək", – bəyanatda bildirilir.

Qeyd edək ki, bu qərarın səbəbləri açıqlanmır. Lakin Livanın "Əl Mashad" telekanalı qeyd edir ki, bu, Dəməşqdə yeni administrasiya rəhbərinin təhlükəsizliyi ilə bağlı məqamlarla əlaqəli ola bilər.