09:06

İstanbul sahilində 4,1 bal gücündə zəlzələ olub.

Axar.az xəbər verir ki, bu barədə Qəndilli Rəsədxanası məlumat yayıb.

Bildirilib ki, yeraltı təkanlar Mərmərə dənizində baş verib. Yerli vaxtla 07:18-də qeydə alınmış zəlzələnin ocağı 13,6 km dərinlikdə yerləşib.

Türkiyənin Fəlakət və Fövqəladə Halların İdarəolunması Agentliyi (AFAD) isə zəlzələ maqnitudasının 3,8 olduğunu açıqlayıb.

Bildirilib ki, seysmoloji hadisənin episentri şəhərin Böyükçəkməcə rayonundan 20 km cənubda yerləşib, ocağı isə 6,84 km dərinlikdə olub.

Tələfat və dağıntı barədə məlumat verilməyib.

Qeyd edək ki, yerli vaxtla saat 02:30-da Egey dənizində də 4,9 bal gücündə zəlzələ baş verib.

***

Antalyanın Kumluca rayonu ərazisində 3,8 bal gücündə zəlzələ baş verib.

Bu barədə AFAD məlumat yayıb.

Zəlzələ ocağı 29 kilometr dərinlikdə yerləşib.