Kreml Rusiya Prezidenti Vladimir Putinlə Ukrayna lideri Vladimir Zelenski arasında İstanbulda görüş keçirmək üçün bir sıra şərtlər irəli sürə bilər, bunlar arasında ABŞ-ın tərəflər arasında dialoqu konstruktiv istiqamətdə aparacağına dair vədi də yer alacaq.

Axar.az xəbər verir ki, bunu rusiyalı politoloq Sergey Markov deyib.

“Trampı sülhməramlı kimi göstərmək üçün Ağ Ev indi Putinin gəlməsini xahiş edir. Putin görüşə gələ bilər. Hadisələrin bu şəkildə inkişafı müəyyən şərtlər daxilində mümkündür. Birincisi, Rusiya Vaşinqtonun İstanbuldakı danışıqların necə davam edəcəyinə dair baxışını öyrənmək istəyir. İkincisi, ABŞ Prezidenti Donald Tramp Zelenskiyə öz şər və rəzil şousunu göstərməsinə imkan verməməlidir. Görüşün üçüncü şərti Trampın dialoqu əvvəlcədən razılaşdırılmış hansısa konstruktiv istiqamətdə aparacağını vəd etməsi olacaq”, - o bildirib.