Rusiya böyük itkilərə baxmayaraq, zəif təlim keçmiş yeni əsgərləri piyada hücumlarına göndərir. Moskva Rusiya-Ukrayna-ABŞ ilə potensial danışıqlarda daha yaxşı mövqeyə malik olmağa çalışır.

Axar.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

“Rusiya Prezidenti Vladimir Putin döyüş meydanında sərfəli mövqelər əldə etmək, danışıqlarda Ukraynaya təzyiq göstərmək üçün ciddi itkiləri qəbul edir. Belə ki, Putin mayın 13-də bəyan edib ki, hər ay 50-60 min nəfər könüllü olaraq Rusiya ordusu sıralarına qoşulur. Rusiya cari ilin ilk dörd ayı ərzində irəliləmə sürətinin yavaşlamasına baxmayaraq, 2024-cü ilin payızında intensivləşdirilmiş hücum dövründə ordu qüvvələrinin verdiyi itkilərin səviyyəsi ilə müqayisədə şəxsi heyət itkisi verməkdə davam edir. Yeni rusiyalı hərbçilər Ukraynaya göndərilməzdən əvvəl cəmi bir ay təlim keçirlər”, - qeyd olunub.