Rusiyada Putinə qarşı ittifaq artıq hazırdır və bu ittifaq 1917-ci ildəki kimi hərəkət edə bilər.

Axar.az xəbər verir ki, bu sözləri qondarma Donbasın keçmiş "müdafiə naziri" İqor Strelkov özünün "Vkontakte"dəki səhifəsində paylaşıb. O, Moskvanın 100 il öncəki tarixini təkrarlamağa hazır olduğu barədə fikrini bir daha xatırladıb:

"Putin özünü elə aparır ki, sanki xoşbəxt neft epoxası hələ də davam edir. Hazırda bizi qarşıda iqtisadi fəlakət gözləyir. Putinin dəyişilməz komandası hələ də dəyişilməz qalır. Bu komandanın yarısı onun dostlarıdır ki, onlar da uyğun zamanı gözləyirlər. Donbas verilən kimi bizə qarşı neqativ ssenari başlayacaq. Heç kim Rusiyaya qarşı sanksiyaları ləğv etməyəcək".