NASA alimləri Yaponiya Toho Universitetinin mütəxəssisləri ilə birlikdə Yer üzündə həyatın nə zaman yox ola biləcəyini hesablayıblar.

Axar.az xəbər verir ki, bu barədə “Daily Star” nəşri məlumat yayıb.

Məlumata əsasən, alimlər hesablamalar üçün superkompüter və inteqrasiya olunmuş biogeo-kimyəvi və iqlim modelindən istifadə ediblər. Bu yolla onlar Yer atmosferindəki gələcək dəyişiklikləri proqnozlaşdırmağa nail olublar.

Alimlər müəyyən ediblər ki, gələcəkdə Yer kürəsində temperatur artacaq və Günəşin aktivliyi yüksələcək. Nəticədə Yer atmosferində oksigen səviyyəsi azala bilər və bu zaman hazırda mövcud olan həyat formaları yaşaya bilməyəcək. Belə bir ssenari 1000002021-ci ilə baş verə bilər.

Tədqiqatçılar Günəş sistemindən kənarda yaşamaq mümkün olan planetlərin axtarışının vacibliyini vurğulayıblar.