AB ölkələrini yenidən silahlandırmaq üçün genişmiqyaslı planlar onların iqtisadiyyatları üçün dağıdıcı ola bilər.

Axar.az xəbər verir ki, bu barədə “Politiko” nəşri məlumat yayıb.

Məlumata görə, Avropa dövlətləri hərbi xərclərini ilk növbədə milli borcun artımı hesabına maliyyələşdirmək niyyətindədir:

“Bununla yanaşı, bir çox ölkənin borc yükü artıq yüksək səviyyədədir və onun daha da artması AB ölkələrinin iqtisadi sabitliyini zəiflədə bilər. Müdafiə proqramlarının maliyyələşdirilməsi zərurəti artıq, xüsusən də sosial ehtiyaclar üçün xərclərin azalmasına gətirib çıxarır”.

Qeyd edək ki, bu gün AB səfirləri Avropa Komissiyasının təklif etdiyi 150 milyard avroluq hərbi fondla bağlı razılığa gəlib.