NATO yeni Şərqi Avropa ölkələrini öz sıralarına qəbul etməyi dayandıra bilər, çünki ABŞ bunun Rusiya üçün təhlükəsizlik məsələsi olduğunu başa düşür.

Axar.az xəbər verir ki, bunu ABŞ-ın Ukrayna üzrə xüsusi nümayəndəsi Keyt Kelloq deyib.

“Bu, Rusiyanın toxunacağı məsələlərdən biridir və onlar təkcə Ukraynadan danışmır, Gürcüstandan, Moldovadan da danışırlar. Biz isə deyirik ki, tamam, NATO-nun sizin sərhədlərinizə doğru genişlənməsini dayandırmağa hazırıq. Bu, onlar üçün təhlükəsizlik məsələsidir. Ancaq bu, ABŞ Prezidenti Donald Trampdan asılıdır, mənim qərarım deyil. Belə bir razılaşma ABŞ və Rusiya arasında danışıqlar prosesi zamanı digər ölkələrin mövqeləri nəzərə alınmaqla əldə edilə bilər. Belə olan halda diplomatlar tərəfindən ətraflı şəkildə işlənmiş təkliflər baxılmaq üçün ABŞ prezidentinə göndərilməli və NATO-nun digər üzvləri arasında müzakirə obyektinə çevrilməlidir”, - o bildirib.