Fransa rəhbərliyi anti-rus əhval ruhiyyəli olduğuna görə bizim azarkeşləri Avropadan çıxarıb.

Axar.az xəbər verir ki, bunu Dumada çıxışı zamanı Rusiya Liberal Demokrat Partiyasının lideri Vladimir Jirinovski söyləyib. Onun sözlərinə görə, fransızlar ruslara nifrət edirlər:

"Bu nifrət Napoleonun məğlubiyyətindən sonra yarandı. Onlar hər yeri fəth etdilər, təkcə rusların qarşısında çarəsiz qaldılar. Bütün fransızlarda bu nifrət var. Onlar terrorçularla bacara bilmirlər, amma rusların avtobusunu polis az qala rus ordusu Parisə girir tərzində yaxalayır. Onlar həmişə bizə nifrət edəcəklər".

Qeyd edək ki, bir müddət öncə 40-a yaxın rus fanat Fransadan deportasiya olunub. Səbəb fanatların Fransada özbaşınalıq törətməsidir.