Şimali Koreya qoşunlarının Ukraynadakı döyüşlərdə iştirakı Pxenyana silah və taktikanı sınaqdan keçirmək üçün unikal imkanlar verir.

Axar.az xəbər verir ki, bu barədə “Nyu York Tayms”da (NYT) ekspertlərə istinadən dərc edilən məqalədə deyilir.

Qeyd edilir ki, münaqişə Şimali Koreyaya silahları sınaqdan keçirməyə, şəxsi heyətin hazırlığını qiymətləndirməyə və müasir döyüş əməliyyatları haqqında məlumat əldə etməyə imkan verir. Analitiklər hesab edirlər ki, Rusiya ilə əməkdaşlıq KXDR ordusunun modernləşdirilməsi üzrə iddialı proqramların həyata keçirilməsini sürətləndirir.

Seulun Asan Siyasət Tədqiqatları İnstitutunun Şimali Koreya ordusu üzrə eksperti Yanq Vuk isə bu barədə belə deyib:

“Görünür, KXDR strateji qızıl dövrə qədəm qoyur”.