ABŞ Dövlət Departamentində hökumətə Suriya məsələsində müşavirlik edən 51 diplomat Ağ Ev administrasiyasına məktub ünvanlayıb.

Axar.az xəbər verir ki, diplomatlar məktubda sülhün əldə olunduğu razılaşmadan bu günə qədər Suriya ordusunun atəşkəsə riayət etmədiyini bildiriblər.

Onlar Obama administrasiyasına Bəşər Əsəd rejiminə qarşı hərbi müdaxilə çağırışı ediblər.

Həmçinin Rusiyanın ABŞ tərəfindən təlimlər keçilən Suriya müxalifətinə hücumlar təşkil etdiyi bildirilib. Rusiya və Suriyanın bu hərəkətlərinə qarşı ABŞ-ın daha sərt mövqe göstərməsi istənilib.

Qeyd edək ki, ABŞ liderliyindəki koalisiya qüvvələrinin İŞİD-ə qarşı əməliyyatlar apardığı bir vaxtda Əsəd ordusu Suriya müxalifətini təsirsiz hala gətirməyə çalışır.

Obama administrasiyası Əsədi vuracağı təqdirdə birbaşa Rusiya və İranla qarşıdurmaya girmə təhlükəsi ilə üzləşəcəyini düşünür.