ABŞ Prezidenti Donald Tramp ölkədə vəziyyətin Liviya kimi xaosa çevrilə biləcəyindən ehtiyat edərək, İrana qarşı hərbi əməliyyatla bağlı yekun qərarını təxirə salır.

Axar.az xəbər verir ki, bu barədə “Nyu York Tayms” mənbələrə istinadən məlumat yayıb.

Nəşrin mənbələrinin məlumatına görə, Tramp 2011-ci ildə Liviyada baş verən hadisələri İran-İsrail münaqişəsinin inkişafı üçün arzuolunmaz ssenari kimi dəfələrlə qeyd edib. Mənbələrdən biri bildirib ki, prezident ABŞ-ın hərbi müdaxiləsinin ölkədə sabitliyin pozulmasına və rejim dəyişikliyinə səbəb olduğu vəziyyətin təkrarlanmasını istəmir.

Bundan əlavə, Tramp hərbi əməliyyatların Amerika qüvvələrinin uzun müddət qalması və daxili böhranlarla nəticələndiyi İraq və Əfqanıstan nümunələrini xatırladıb.