Avropa rəsmiləri ABŞ Prezidenti Donald Trampı Ukraynaya silah satmağa razı sala biləcəklərini gözləyirlər.

Axar.az xəbər verir ki, bu barədə “Vaşinqton Post” məlumat yayıb.

Adı açıqlanmayan üç avropalı məmurun nəşrə verdiyi məlumata görə, avropalı müttəfiqlər hesab edirlər ki, onlar və ya Kiyev bunun üçün pul, o cümlədən kredit şəklində vəsait ayırsa, Trampı Ukraynaya Amerika silahı satmağa razı sala bilərlər.

Bildirilib ki, Tramp Kremli qəzəbləndirəcək və ya Moskva ilə yaxınlaşmaq ambisiyalarına mane ola biləcək addımlar atmaq istəmir.

Eyni zamanda, adı çəkilməyən NATO nümayəndələri hesab edirlər ki, indiki vəziyyətdə Ukrayna Rusiyaya qarşı daha bir il tab gətirə bilər.