Ukraynanın Kiyev vilayətinin Mixaylovka-Rubejovka kəndində polisə qumbara atılıb, nəticədə hüquq-mühafizə orqanının 5 əməkdaşı xəsarət alıb.

Axar.az Ukrayna Milli Polisinin rəsmi saytına istinadən xəbər verir ki, 18 yaşlı qız polisə zəng edərək, atasının onu və digər ailə üzvlərini qumbara və odlu silahla təhdid etməsi barədə məlumat verib.

Hadisə yerinə gələn polis əməkdaşları evə daxil olub. Bunu görən kişi polisə əl qumbarası atıb. Bundan sonra polis əməkdaşları odlu silahdan atəş açaraq 41 yaşlı cinayətkarı zərərsizləşdirib.

Partlayış nəticəsində qəlpə yarası alan 5 polis əməkdaşı xəstəxanaya yerləşdirilib.