Suriyanın şimalındakı kürd qüvvələri tərk-silah olmaqdan imtina edərsə, Türkiyə hərbi plan da daxil olmaqla, müxtəlif fəaliyyət planları hazırlayıb.

Axar.az xəbər verir ki, bu barədə “Hürriyet” qəzeti məlumat yayıb.

“Terrorçu Kürdüstan Fəhlə Partiyası və “xalq mühafizə birliklərinin” birləşmələri əsasında qurulan “Suriya Demokratik Qüvvələrinin” (SDQ) lideri Mazlum Abdi Suriyanın Prezidenti Əhməd əş-Şara ilə mart ayında imzalanmış müqavilənin şərtlərini yerinə yetirmir. Plana görə, kürd döyüşçüləri keçid hökumətinin silahlı qüvvələrinə daxil edilməlidir. Suriyada qeyri-sabitlik şəraitində SDQ, PKK və YPG silahlarını təhvil verməyəcək. Türkiyənin müxtəlif risklərlə bağlı fəaliyyət planları var. Suriyanın bölünməsinə və bölgənin (şimalda) SDQ/PKK/YPG-nin nəzarətinə keçməsinə imkan verilməyəcək. Türkiyə Suriyada ərazi birliyi və sabitliyin təmin olunmasının tərəfdarıdır. Bu nəticə verməsə və SDQ/PKK/YPG tərksilah yolu ilə getməsə, hərbi variantdan istifadə olunacaq”, - məlumatda deyilib.