ABŞ Prezidenti Donald Tramp Şimali Koreyanın tam denuklearizasiyasına (nüvə silahının azaldılması və ya ləğvi – red.) nail olmaq məqsədilə Şimali Koreya lideri Kim Çen İn ilə əməkdaşlığa açıqdır.

Axar.az xəbər verir ki, bu barədə “Yonhap” agentliyi məlumat yayıb.

Qeyd olunub ki, sözügedən məlumatı Ağ Evin nümayəndəsi də təsdiqləyib.

“Ağ Ev bildirir ki, Prezident Tramp ilk prezidentlik müddətində Şimali Koreya lideri Kim Çen İn ilə üç tarixi sammit keçirib. Bu sammitlər Koreya yarımadasındakı vəziyyəti sabitləşdirmiş və liderlər səviyyəsində ilk dəfə olaraq denuklearizasiya barədə razılığa gəlməyə imkan yaratmışdı. Prezident bu məqsədləri qoruyub saxlayır və Şimali Koreyanın tam denuklearizasiyasına nail olmaq üçün lider Kimlə əməkdaşlığa açıqdır”, – deyə administrasiya nümayəndəsi agentliyə göndərdiyi elektron məktubda bildirib.