Rusiya Ukraynaya genişmiqyaslı müdaxilə zamanı Sovet silahlarının ehtiyatlarını demək olar ki, tükəndirib.

Axar.az xəbər verir ki, bu barədə Kiyev İqtisadiyyat Məktəbi məlumat yayıb.

Məlumata görə, Rusiyanın əsas anbarlarından tədarüklər 2022-ci ildəki 242 min tondan 2025-ci ilin sonuna qədər 119 min tona qədər azalacaq.

Məktəbin analitiki Pavel Şkurenko hesab edir ki, bu, resursların tükəndiyini göstərir.

Qeyd olunub ki, 2022-ci ildən bəri Rusiya T-72, T-80 və hətta T-54 tankları da daxil olmaqla, konservasiyadan çıxarılmış avadanlıqları fəal şəkildə istifadəyə verir:

“Rusiya getdikcə xarici təchizatçılardan asılı vəziyyətə düşür. 2024-cü ildə partlayıcı materialların 52%-i Şimali Koreyanın istifadə etdiyi Naxodka limanından gətirilib. Müharibədən əvvəl oradan ümumiyyətlə təchizat yox idi. Ümumilikdə Şimali Koreyadan Rusiyaya 250 min ton yük göndərilib”.