ABŞ Prezidenti Donald Tramp Ukrayna münaqişəsinin nizamlanması üçün müəyyən olunmuş müddətin bitəcəyi təqdirdə hansı tədbirlərin görüləcəyinə dair məlumat vermir.

Axar.az xəbər verir ki, bu barədə “Quardian” nəşri yazıb.

Nəşr yazıb ki, ABŞ-ın razılıq əldə olunması üçün ayrılmış vaxta münasibətdə mövqeyini sərtləşdirməsinə baxmayaraq, bu müddətin gözardı edilməsinin nəticələri hələ də açıq qalır.

"Əsas sual açıq qalır: vaxt bitəndə Tramp əslində nə edəcək?" – deyə nəşrin müxbiri Yakub Krupa yazıb.

Qeyd edək ki, Tramp Rusiya və Ukrayna arasında razılaşma əldə olunması üçün 50 günlük müddət ayırdığını bildirmişdi. Əks halda, o, Moskva və onun ticarət tərəfdaşlarına qarşı 100 faiz ticarət rüsumları tətbiq etmək niyyətindədir. Lakin ötən gün amerikalı lider bu müddəti 10–12 günə qədər azaltdığını bəyan edib.