Türkiyənin tanınmış köşə yazarı Ayça Öztorun kozanbilgi.net portalına müsahibə verib.

Ötən ilin iyununda Axar.az-ın yazarı Nihat Cəbrayılın müsahibə almaq üçün İstanbula getdiyini xatırladan jurnalist məqalənin hansı səbəbdən Türkiyə türkcəsinə çevrilmədiyini soruşub. A.Öztorun isə bu barədə yerli mətbuata məlumat verməyə lüzum görmədiyini deyib:

"Müsahibə Azərbaycan dilində olduğu üçün qəzetlərə demədim. Türkeş bəy (kozanbilgi.net saytının baş redaktoru. – red.) bunu eşidərsə, yaxın zamanda Azərbaycan dilində də olsa yayınlayar".

Axar.az-a müsahibə verdikdən sonra Azərbaycanda məşhurlaşdığını deyən xanım yazar Bakıya gəlmək arzusunu gizlətməyib:

"Azərbaycanlıları sevirəm. Nihat Cəbrayıl çox tanınmış bir jurnalistdir. Sənətə və mədəniyyətə dəyər verib, ölkəmizəcən gəlib sənətçilərdən müsahibə alan bir adamdır. Bakıya dəvət almışıq. Könül istərdi ki, "Göydə ulduz, yerdə atəş" adlı romanım Azərbaycan dilinə tərcümə olunsun və mən də kitabımla gedim".

Xatırladaq ki, Ayça Öztorun ötən il saytımıza geniş müsahibə vermişdi.

Onunla türk mediasında yayınlanmış sözügedən müsahibəni bu linkə daxil olaraq oxuya bilərsiniz.