Alimlərə inansaq, bu ay ilin ən kədərli və ən depressiv günü olacaq.

Axar.az Milli.az-a istinadən xəbər verir ki, bir qrup amerikalı tədqiqatçı yanvarın 21-nin ilin ən depressiv günü olduğunu müəyyən edib.

Bu nəticəyə ABŞ-dakı Kardiff Universitetinin tədqiqatçısı Klif Arnol gəlib. O bildirib ki, insanlar bu gün ən çox depressiyada olurlar. Onun müşahidələrini sonradan digər mütəxəssislər təsdiqləyib.

Ekspertlər izah edirlər ki, bu gün müxtəlif ölkələrdə insanlar üçün fərqli ola bilər, lakin insanların əksəriyyəti yorğunluq, laqeydlik, əsəbilik hiss edir və pis əhval-ruhiyyə və kədərli düşüncələrlə üzləşirlər.

Mütəxəssislər izah edirlər ki, bu günə qədər Yeni il və Milad tətilləri başa çatır. Şənliklərin eyforiyası azalır və hər şey normal vəziyyətinə qayıdır, insanlar olduqca yorğun olduqlarını, çox pul xərclədiklərini, əlavə çəki qazandıqlarını və s. aşkar edirlər.

Nəticədə, bir çoxları maaşlarını səbirsizliklə gözləməyə başlayır ki, bu da onların psixoloji vəziyyətinə təsir göstərir. Öz növbəsində, onların rifahına günəş işığının olmaması və soyuq təsir göstərir.

Yeri gəlmişkən, bu gün həm də Ümumdünya Qucaqlaşma Günü kimi qeyd olunur. Bu bayramda qucaqlaşmaq, səmimi olmaq və başqalarına istilik bəxş etməyə çalışmaq adətdir. Bu iki bayramın üst-üstə düşməsi, yəqin ki, təsadüf deyil. Alimlərin fikrincə, qucaqlaşmalar insanlara mənfi emosiyaların və stressin öhdəsindən gəlməyə kömək edir və ilin ən depressiv günündə bu, çox faydalı olur.