Ana səhifə Sağlıq |
Dırnaqlarınızın quruluşu xəstəliyinizin göstəricisi ola bilər.
Axar.az dırnaqların quruluşu haqda məlumatı təqdim edir:
Ağ dırnaqlar
Qaraciyərinizdə bir problem olduğunun, hepatit, yaxud başqa qaraciyər probleminin göstəricisi ola bilər.
Qarışıq dırnaqlar
Yuxarıya doğru qıvrıq və yumşaq dırnaqlar qanazlığı, qaraciyər, ürək xəstəliklərinin, yaxud hipertiroidizm xəbərçisi ola bilər.
Zəif dırnaqlar
Zəif dırnaqlar hipertiroidizmdən xəbər verə bilər.
Dırnaq ətrafı
İnsanda saç tökülməsi, eqzema və sədəf xəstəliklərinin olub-olmamasını dırnaq ətrafına baxmaqla müəyyən etmək olar.
Sarı dırnaqlar
İnfeksiya və ya ciddi bir problemdən xəbər verə bilər. Sarı dırnaqlar həmçinin göbələk infeksiyasına da işarə edir. Tiroid problemləri də dırnaqları saraldır.
Yumru dırnaq
Yumru, yaxud yuvarlaq dırnaqlar ağciyər problemlərinə işarə edir.
Qara dırnaqlar
Dırnaqlardakı qara xətlər qaradərili insanlarda tez-tez müşahidə edilir. Dəriyə qədər yayılan qaralmalar və rəng dəyişikliyi melanomdan xəbər verə bilər.
İncə dırnaqlar
Dırnaqlara kimyəvi maddələr çox tətbiq edildiyi zaman onlarda incələşmə müşahidə edilə bilər.
Dırnaq çıxıntıları
Dırnaq çıxıntıları bəzən həyəcan yaratsa da, mütəxəssislər bunu normal hesab edir həyəcana səbəb görmürlər. Yaşlanma ilə əlaqələndirirlər.
Çat, yaxud qırıq dırnaqlar
Dırnağınızın bir qismi rəng dəyişər, yaxud çat verərərək qırılarsa, bu, dırnaq göbələyinə işarədir.
Dırnağın altına qan yığılması
Həmin dırnağın zədə almasından irəli gəlir. Buz qoymağınız kifayət edir.
Mavi dırnaqlar
Mavi dırnaqlar oksigen tələbatınızın kifayət qədər qarşılanmadığından, yaxud digər ağciyər problemlərindən xəbər verə bilər.
Tarix
2016.10.03 / 08:30
|
Müəllif
Aytac Qədirova
|