Berlində yaşayan, 13 uşağı və 7 nəvəsi olan ibtidai sinif müəllimi Aneqret R. dördəm uşaq gözləyir.

Axar.az xəbər verir ki, alman mətbuatında yer alan xəbərə görə, Aneqret R. bir neçə dəfə Almaniya xaricində süni mayalanma yolu ilə hamilə qalıb.

13-cü uşağını 2005-ci ildə dünyaya gətirən 65 yaşlı müəllimənin hazırda hamiləliyinin 21-ci həftəsində olduğu və səhhətində hər hansı problemin olmadığı bildirilib. Doğumu reallaşarsa, uşaqlarının sayı 17-yə çatacaq ana dünyanın ən yaşlı dördəm dünyaya gətirən qadını olaraq rekordlar kitabına düşəcək.

Hazırda ən balaca uşağı 9 yaşında olan Aneqret R.nın böyük övladı 44 yaşındadır.