Omikron ştammının yayılması zamanı qida rasionuna piy, yağ və digər heyvan mənşəli yağ məhsulları əlavə edilməlidir.

Axar.az Rusiya mətbuatına istinadən xəbər verir ki, bu tövsiyəni diyetoloq Marqarita Koroleva paylaşıb.

Həkimin sözlərinə görə, bu məhsulların tərkibində ağciyərlərin fəaliyyəti üçün zəruri olan doymuş yağlar var. Bundan əlavə, onlar hüceyrə membranlarına da daxildir. Diyetoloq vurğulayıb ki, bu yağlar səhərlər normal həddə istifadə edilməlidir:

“Rasiona bir xörək qaşığı balıq yağı və D3 vitamini əlavə etmək faydalı olar”.

Eyni zamanda, tərkibində C vitamini olan qidaların istifadəsini də unutmayın.

Diyetoloqun sözlərinə görə, duzlu kələm ən yaxşı variantlardan biri hesab olunur.

Həkim xatırladıb ki, aclıq və sərt pəhrizlər immunitetin azalmasına gətirib çıxarır ki, bu da Omikronun yayılması zamanı son dərəcə təhlükəlidir.