2015-ci il ərzində Səhiyyə Nazirliyinin "Qaynar xətt" və "Elektron Səhiyyə" xidmətlərinə 28 mindən artıq müraciət daxil olub.

Nazirliyin mətbuat xidmətindən Axar.az-a verilən məlumata görə, müraciətlərin yalnız 13 faizini səhiyyə müəssisəsələri əməkdaşlarının göstərdiyi xidmətin səviyyəsindən şikayətlər təşkil edib. Bu müraciətlərə əsasən 2015-ci il ərzində yoxlamalar nəticəsində səhiyyə sistemində çalışan 52 şəxs barəsində qəti məsuliyyət tədbirləri görülüb.

Əvvəlki illərlə müqayisədə xaricdə müalicə üçün nazirliyə edilən müraciətlərin sayı xeyli azalıb.

Ümumilikdə isə vətəndaş müraciətləri əsasən səhiyyə müəssisələrinin fəaliyyəti, yeni yaşayış yeri üzrə poliklinikada qeydiyyat, tibbi arayışın alınması ilə bağlı olub.

Bəzi hallarda vətəndaşlar səhiyyə müəssisəsələri əməkdaşlarının göstərdiyi xidmət səviyyəsinin qənaətbəxş olmaması barədə şikayət ediblər.