Yuxarı

“Builki qiymət artımını önləmək mümkün olmayacaq”- Ekspert

Ana səhifə Digər Şərh
12 Punto 14 Punto 16 Punto 18 Punto

"Kənd təsərrüfatı məhsullarının qiyməti üzü qışa doğru bahalaşacaq".

Bunu Axar.az-a iqtisadçı ekspert Samir Əliyev Rusiyadakı mövcud vəziyyətlə əlaqədar Azərbaycan bazarında qiymət artımı barədə açıqlama verərkən deyib.

Onun sözlərinə görə, ölkədə kənd təsərrüfatı məhsullarının artımı iki amillə bağlıdır:

"Birincisi, ənənəvi-mövsüm amildir. Təbii ki, üzü qışa qiymətlər artır. İkincisi, forsmajor-planlaşdırılmayan amildir ki, bu da Rusiyadakı sanksiyalarla bağlıdır. Əvvəllər kəndli məhsulunu bazara çıxarıb sata bilmirdi. Müəyyən bir qismi Rusiya alırdı, qalan məhsulla ölkəsinə qayıdan fermer məhsulu saxlayırdı ki, qışda daha baha qiymətə satsın. Hətta bununla bağlı anbarlar da tikilmişdi. Ancaq Rusiya ilə bağlı məsələlər vəziyyəti qabaqladı. Birdən-birə öz məhsulunu bazara çıxara bilməyən fermerə gözlənilməz fürsət yarandı. Bu isə öz növbəsində Azərbaycana təsirsiz ötüşmədi. Nəticədə qiymətlər daha da qalxdı. Ötən yayla müqayisə etsək görərik ki, qiymətlərdə kəskin fərq var. Kimin imkanı var idisə, məhsulunu Rusiya bazarına daşıyaraq yüksək mənfəət götürdü. Bu, ölkədə qiymətlərin bahalaşmasını bu qış qaçılmaz edəcək. Araşdırmalıyıq ki, Azərbaycanda meyvə-tərəvəz ehtiyatı hazırda nə qədər qalıb və ümumən anbarlarda nə qədər məhsul var. O ki qaldı qiymətlərə, hesab edirəm ki, nə qədər Rusiyada məlum vəziyyət hökm sürəcək, bu, qiymətlərə təsirsiz ötüşməyəcək. Başqa bir yandan isə üzü qışa tərəf olması da qiymətlərə öz təsirini göstərir. Ola bilsin ki, İran, Türkiyə kimi ölkələrdən məhsulun idxalı qiymətləri sabit saxlasın. Ancaq sözügedən ölkələrdə də eyni vəziyyətədir. Ona görə də qiymət artımı labüddür".

Ekspert bazarda hökm sürən vəziyyətin qarşısını almaqla bağlı məsələyə də münasibət bildirdi:

"Sanksiyalar məsələsi ani olduğundan bunun qarşısnı almaq olmadı. Əgər bu vəziyyət ötən payızda baş versəydi, qabaqlayıcı tədbirlər görmək olardı. Bu il üçün artıq çox gecdir. Hökumətin sözügedən bu mövcud vəziyyəti hansısa inzibati yollarla əngəlləməsi də mümkün deyil. Çünki məhsullar Rusiyaya sanksiyalar tətbiq edilməzdən öncə əkilib-becərilən məhsullardır. Vəziyyəti yalnız bir yolla - idxalla tənzimləmək olar ki, heç olmasa qiymətlərin daha da qalxmasının qarşısı almaq mümkün olsun. Yaxşı olardı ki, növbəti il göz önünə alınsın və kəndlilərə vəziyyətdən maksimum yararlanmaq üçün lazımı şərait yaradılsın. Nazirlik bu məsələ ilə bağlı növbəti il üçün bütün lazımı tədbirləri görməyi planlaşdırır".

Tarix
2014.10.04 / 09:30
Müəllif
Aygün Yusibova
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla