Türkiyə televiziya tarixində iz qoymuş “Qurtlar vadisi” serialının əfsanəvi personajı Süleyman Çakır sevənləri tərəfindən bu gün də ölümünün 18-ci ilində yad edilib.

Kult.az xəbər verir ki, aktyor Oqtay Qaynarcanın canlandırdığı Süleyman Çakır obrazı ssenariyə görə 2004-cü il aprelin 8-də, serialın 45-ci bölümündə ölüb.

Həmin zaman Türkiyədə Süleyman Çakır üçün ehsan verənlər, “ruhuna” dua oxuyanlar saysız-hesabsız idi.

Hər il aprelin 8-də isə pərəstişkarları Süleyman Çakırı öz paylaşımları ilə yad edirlər. Bu il də ənənə pozulmayıb. Tvitterdə Süleyman Çakır trend siyahısında birinci olub.

Oqtay Qaynarca isə sosial media hesabından belə yazıb:

“Süleyman Çakırı ölümünün 18-ci ildönümündə unutmayan pərəstişkarlarına başsağlığı verir, mərhuma Allahdan rəhmət diləyirəm”.

Qeyd edək ki, “Qurdlar vadisi”nin ilk bölümü 2003-cü ildə ekrana gəlib.