Oktyabrın 21-də xalq yazıçısı Elçinin eyniadlı pyesi əsasında lentə alınan "Qatil" bədii filminin təqdimatı keçiriləcək.

Axar.az xəbər verir ki, təqdimat mərasimi saat 19:00-da Nizami Kino Mərkəzində baş tutacaq.

Azərbaycan Respublikası Mədəniyyət və Turizm Nazirliyinin sifarişi ilə ekranlaşdırılan filmin rejissoru Kamran Şahmərdandır. Film C.Cabbarlı adına "Azərbaycanfilm" kinostudiyasında Finlandiyanın "Black and White Studio", Gürcüstanın "Studio 33A" və "Vars Studio" şirkətlərinin iştirakı ilə istehsal olunub. Psixoloji dram janrında çəkilən yeni ekran əsərinin ssenari müəllifi xalq yazıçısı Elçin, quruluşçu operatoru Mixail Maqalaşvili, quruluşçu rəssamı Rəşad Mehdiyev, icraçı prodüseri Azər Quliyev, prodüseri Müşfiq Hətəmovdur.

Filmdə baş rolları Eka Çxeidze və Apollon Kublaşvili canlandırırlar.