Dünən Azərbaycan Dövlət Teatr Muzeyində xalq artisti, mərhum sənətkar Yaşar Nurinin anım mərasimi keçirilib.

Axar.az xəbər verir ki, tədbirdə Mədəniyyət və Turizm Nazirliyinin əməkdaşları, tanınmış aktyorlar və Yaşar Nurinin ailə üzvləri iştirak edib. Qonaqlar aktyorun ailəsinin bir müddət öncə teatra bağışladığı Yaşar Nurinin şəxsi əşyalarından ibarət guşə ilə də tanış olublar.

Tədbirdə sənətkarın yaradıcılıq fəaliyyətini əks etdirən videoçarx göstərilib.

Bundan başqa, aktyorun sənət dostları – xalq artistləri Afaq Bəşirqızı, Rafael Dadaşov, Hacı İsmayılov da çıxış edərək öz xatirələrini bölüşüb.