Dünya şöhrətli rejissor, aktyor və ssenarist Kventin Tarantino Hollivuddakı "Şöhrət xiyabanı"nda ulduz qazanıb.

Axar.az Deyli Meyl-ə istinadən xəbər verir ki, ulduzun təqdimetmə mərasimində rejissorun həmkarları, dostları, fanatları iştirak edib.

Aktyorladan isə filmlərinə çəkdiyi və illərlə dostluq etdiyi aktyor Samuel L.Ceksonun çıxışı maraqla qarşılanıb. Rejissor mükafatı alandan sonra sevgilisi Kourtni Hofmanı öpüb.

Mərasimə cins pencək, şalvar və qara idman ayaqqabısında qatılan 52 yaşlı rejissor çıxış edərək ulduzun Hollivuddakı Çin teatrının plakatlarının altında yerləşdiriləcəyini gözləmədiyini bildirib.

Xatırladaq ki, rejossor "Kriminal qiraət" və "Azad edilmiş Kanqo" filmlərinə yazdığı ssenari ilə "Oskar" və "Qızıl qlobus" mükafatlarına layiq görülüb. "Kriminal qiraət" filmi eyni zamanda Kann festivalında "Qızıl palma budağı" qazanıb.