Rusiya Kinematoqrafçılar İttifaqının sədri, Rusiya Mədəniyyət Fondunun prezidenti, məşhur kinorejissor Nikita Mixalkov "Oskar" Akademiyasının mükafatı uğrunda gedən mübarizədə Leonardo Di Kaprionun qalib olacağına ümid edir.

Axar.az xəbər verir ki, "Oskar" mükafatı laureatı olan rejissor TASS informasiya agentliyinə açıqlama verərək Di Kaprionun həmçinin tənqidçilərin seçimində də mükafat qazanacağını bildirib.

Bir müddət əvvəl aktrisa Keyt Vinslet də "Oskar"ın builki qalibinin Di Kaprio seçiləcəyinə əmin olduğunu deyib.

Xatırladaq ki, Hollivud aktyoru Leonardo Di Kaprio dəfələrlə "Oskar"a namizəd olsa da, hələ ki mükafat almayıb. Aktyor builki mükafata "Diriliş" filmindəki rolu ilə "Ən yaxşı kişi aktyor" nominasiyası üzrə namizəddir. "Oskar"ın qalibləri fevralın 28-də Los Ancelesdə elan olunacaq.