20:40

Türkiyə Prezidenti Rəcəb Tayyib Ərdoğanla Almaniya kansleri Angela Merkel arasında telefon danışığı baş tutub.

Axar.az xəbər verir ki, telefon əlaqəsi zamanı regional problemlərlə yanaşı, ikitərəfli əməkdaşlıq məsələləri də müzakirə olunub.

Tərəflər əsasən Kipr müzakirələri ilə bağlı fikir mübadiləsi yürüdüblər.

***

Türkiyə Prezidenti Rəcəb Tayyib Ərdoğanla Almaniya kansleri Angela Merkel arasında baş tutan telefon danışığının detalları bəlli olub.

Axar.az xəbər verir ki, əlaqə zamanı Ərdoğan Avropa Birliyinin (AB) miqrant razılaşması üzrə üzərinə düşən vəzifələri mütləq şəkildə yerinə yetirməli olduğunu bildirib.

Liderlər həmçinin Hələbə humanitar yardımların çatdırılması ilə bağlı səylərin sürətləndirilməsinin vacibliyini vurğulayıblar.

Bundan əlavə, Kipr probleminin həllinə toxunan türk lider adada hər iki tərəfin (yunan-türk) bərabər şəkildə hüquq və azadlıqlarının təmin edilməsinin başlıca şərt olduğunu qeyd edib.