Ana səhifə Siyasət |
Azərbaycan torpaqlarının işğalı 1988-ci ildən başlayır. Onlar bu prosesi addım-addım həyata keçiriblər. Ümumiyyətlə isə torpaqların işğal olunması məsələsini hansısa şəxsə aid etməyi doğru hesab etmirəm. Bu söhbətlər işğalın mahiyyətini arxa plana atır.
Bu sözləri Axar.az-a açıqlamasında millət vəkili Fazil Mustafa Əli Kərimlinin 7 rayonun ümummilli lider Heydər Əliyevin hakimiyyətə gəlməsindən sonra işğal edilməsi barədə iddialarına cavab olaraq deyib. O bildirib ki, bu işğal beynəlxalq güclərin dəstəyi ilə həyata keçirildiyinə görə yeni müstəqillik qazanan Azərbaycan üçün həmin güclərə qarşı mübarizə aparmaq asan məsələ deyildi:
“Bu proseslər Kommunist Partiyasının dövründən başlayıb və 1993-cü ilə qədər davam edib. Bütün bunlarda kimisə günahlandırmaq düzgün deyil. Hesab edirəm ki, həmin işğal bütövlükdə millətin təşkilatlanmamasından, dövlət quruluşunun tam oturuşmamasından qaynaqlanan bir proses idi. Biz hazırlıqsız olduğumuza görə bu işğalın qurbanına çevrildik. Buna görə də kimisə günahlandırmaq lazımdırsa, bu zaman o dövrdə yaşayan hər kəsi günahkar çıxarmalıyıq. Buna görə də hər kəs özünü günahlandırmalıdır, çünki bütövlükdə söhbət Azərbaycan ərazisindən gedir”.
Tarix
2019.09.04 / 17:11
|
Müəllif
Mahir Ələkbərov
|